Mashhoor comedian Tabish Hashmi ne aik show mein kaha ke jis tarah hum apni gariyon par learning wala ‘L’ board lagate hain, waise hi Indians ko apne Rafale fighter jets par bhi ‘L’ lagwa lena chahiye. Unka maqsad tha ke hamare jahaz side se ehtiyat se guzar sakein.
Tabish Hashmi ne mazahiya lehje mein kaha,
“Jesay hum gariyon pe learning wala ‘L’ lagwa lete hain, wese hi Indians ko Rafale pe ‘L’ lagwa lena chahiye taake hamaray jahaz side se ehtiyat se guzar jain.”
Is bayan ke baad social media par logon ne mazak aur memes ka silsila shuru kar diya. Log Tabish ki is creative soch ko pasand kar rahe hain aur kuch ne to Rafale jets ke saath ‘L’ board lagane wale memes bhi share kiye hain.
Ek Twitter user ne likha, “Tabish bhai ne toh Indian Air Force ke piloton ko driving school bhej dena chahiye!”
Dusre ne kaha, “Agar Rafale par ‘L’ lag gaya toh humari hawaaii hifazat mein naya era shuru ho jayega!”
Tabish Hashmi ki comedy ne phir se logon ke chehron par muskan la di hai aur unka ye funny comment har taraf viral ho gaya hai.
